Shkup, 27 mars 2026 (MIA) - Maqedonia është një aleat i besueshëm në NATO dhe si vend kemi treguar se kur është e nevojshme, jemi këtu për të qëndruar krah për krah me aleatët tanë - theksoi sot kryeministri Hristijan Mickoski.

Pas hapjes së trafostacionit të ri "TS Centralna" në Shkup, duke iu përgjigjur pyetjeve të gazetarëve, sot kur shënohen gjashtë vjet nga anëtarësimi në NATO, nëse Maqedonia është një aleat i besueshëm pavarësisht çmimit të lartë që ka paguar, Mickoski vuri në dukje se shteti ende duhet të paguajë një çmim kur bëhet fjalë për integrimin në organizatat ndërkombëtare.

"Epo, po, Maqedonia është një aleat i besueshëm dhe e ka treguar dhe dëshmuar këtë shumë herë në të kaluarën dhe ne do të vazhdojmë ta tregojmë dhe dëshmojmë. Mendoj se si vend kemi treguar dhe dëshmuar se kur është e nevojshme, jemi këtu për të qëndruar krah për krah me aleatët tanë brenda NATO-s dhe vlerësoj që jemi më të sigurt, më të qëndrueshëm. Është e vërtetë, po, ju vetë thatë se, për fat të keq, ne paguam një çmim të madh si asnjë vend tjetër, si asnjë komb tjetër dhe, për fat të keq, ende na kërkohet të paguajmë një çmim kur duhet të integrohemi në organizatat ndërkombëtare", tha Mickoski.

Sipas tij, fakt është se mund të jemi të paktë në numër, por jemi jashtëzakonisht të rëndësishëm, veçanërisht për këtë pjesë të Evropës, por edhe të botës. ls/

Foto: MIA