Shkup, 7 mars 2026

Në vijim ju përcjellim urimin e Kryetarit të Partisë Demokratike Shqiptare, z. Menduh Thaçi, me rastin e 7 Marsit – Ditës së Mësuesit. 

Me rastin e 7 Marsit – Ditës së Mësuesit, shpreh mirënjohjen dhe respektin më të thellë për të gjithë mësuesit shqiptarë, të cilët me përkushtim, dije dhe sakrificë edukojnë dhe formojnë brezat e rinj.

Mësuesit kanë qenë dhe mbeten shtylla e dijes, ruajtësit e gjuhës, kulturës dhe identitetit tonë kombëtar. Falë punës dhe përkushtimit tuaj të palodhshëm, brezat e rinj rriten me dije, vlera dhe përgjegjësi për të ardhmen.

Në këtë ditë të veçantë, ju shpreh falënderimin dhe vlerësimin më të sinqertë për kontributin tuaj të çmuar në arsim dhe në ndërtimin e një shoqërie më të mirë.

Urime 7 Marsin – Ditën e Mësuesit!

Menduh Thaçi
Kryetar i Partisë Demokratike Shqiptare

_______________________________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.

Foto: PDSH