Maqedonia e nënshkroi Konventën kornizë të Këshillit të Evropës për inteligjencën artificiale - e para obliguese për shfrytëzimin e saj të ndërgjegjshëm
Shkup, 8 maj 2026 (MIA) - Ministri i Drejtësisë, Igor Fillkov dhe sekretari i përgjithshëm i Këshillit të Evropës, Alen Berse, sot në Qeveri e nënshkruan Konventën kornizë për inteligjencën artificiale të Këshillit të Evropës - instrumenti i parë obligues ndërkombëtar, i cili vendosë parime dhe standarde të qarta për zhvillim dhe përdorim të inteligjencës artificiale.
Konventa kornizë i plotëson standardet e përhershme ndërkombëtare për të drejta të njeriut, demokraci dhe sundim të së drejtës dhe ka për qëllim t'i plotësojë të gjtha boshllëqet juridike që mund të dalin nga përparimi i shpejtë teknologjik. Që t'i qëndrojë testit të kohës, Konventa kornizë nuk e rregullon teknologjinë dhe në thelb është neutrale në mënyrë teknologjike.
_aysq476zc/placeholder.webp?use_watermark=1 "Министерот Игор Филков и генералниот секретар на Советот на Европа, Ален Берсе потпишаа Рамковна конвенција за вештачка интелигенција")
Sekretari i përgjithshëm i Këshillit të Evropës, Alen Berse, gjatë nënshkrimit theksoi se Maqedonia e Veriut është vendi i 46-të që i bashkohet Konventës, që konfirmon se inteligjenca artificiale duhet t'i shërbejë njerëzimit.
Fillkov gjatë nënshkrimit në Qeveri deklaroi se korniza juridike, avancimi i të drejtave të njeriut, demokracia dhe sundimi i sëd rejtës duhet ta ndjekin tempon e zhvillimit të shpejtë teknologjik dhe se Konventa paraqet hap historik në atë drejtim.
Konventa, theksoi Fillkov, u mundëson shteteve t'i aftësojnë masat në pajtim me sistemet e veta juridike dhe institucionale, e më pas t'i respektojnë standardet universale.
_U6ydCbBRd/placeholder.webp?use_watermark=1 "Министерот Игор Филков и генералниот секретар на Советот на Европа, Ален Берсе потпишаа Рамковна конвенција за вештачка интелигенција")
Nënshkrimi, theksoi Fillkov, lë hapësirë për bashkëpunim të përforcuar ndërkombëtar, do të këmbejmë njohuri, përvoja dhe praktika të mira me shtete të tjera, me çka do ta avancojmë menaxhimin me teknolgojitë e reja dhe do të sigurojmë inovacione të sigurta.
E miratuar nga ana e Komitetit të ministrave të Këshillit të Evropës në maj të vitit 2024 dhe e hapur për nënshkrim më 5 shtator 2024, Konventa deri më tani është nënshkruar nga Bashkimi Evropian, SHBA-ja, Andorra, Armenia, Bosnja e Hercegovina, Gjeorgjia, Islanda, Lihtenshtajni, Mali i Zi, Norvegjia, Moldavia, San Marino, Zvicra, Ukraina, Mbretëria e Bashkuar, Kanadaja, Izraeli, Japonia dhe Uruguaji. ab/
Foto: МIА
