San Hoze, 28 nëntor 2025 (MIA) - Kostarika dhe Shtetet e Bashkuara të Amerikës në një operacion të përbashkët në Oqeanin Paqësor sekuestruan gjithsej katër ton kokainë, që Ministria e Sigurisë në Kostarikës e ka definuar si sekuestrim historik. 

Në aksion u arrestuan dy shtetas kolumbianë. 

Ky sekuestrim vjen në një kohë kur Kostarika, e cila konsiderohej një nga vendet më të sigurta në Amerikën Qendrore, vërehet një rritje e krimit që lidhet me trafikimin e drogës. Vendi regjistroi 16,6 vrasje për 100.000 banorë vitin e kaluar, që është dyfish më shumë se mesatarja. 

Gjithsej 81 ton drogë është sekuestruar në Kostarikë midis vitit 2022 dhe 2024. Për shkak të rrezikut në rritje, Uashingtoni dha ​​një paralajmërim për qytetarët e SHBA-së të cilët udhëtojnë në këtë vend. 

Si pjesë e luftës kundër lëndëve narkotike, në qershor, policia e Kostarikës arrestoi ish gjyqtarin dhe ish ministrin e Sigurisë, Selsio Gamboa, i cili aktualisht është në pritje të ekstradimit në SHBA për akuzat e trafikimit të drogës. rq/

Foto: arkivi/ilustrim