Komisioni për Çështje të Zgjedhjeve dhe Emërimeve do të zgjedhë anëtar të Komisionit për Parandalimin dhe Mbrojtjen nga Diskriminimi
Shkup, 16 prill 2026 (MIA) – Komisioni parlamentar për Çështje të Zgjedhjeve dhe Emërimeve sot duhet të mbajë debat publik dhe të përcaktojë propozim listën për zgjedhjen e anëtarit të Komisionit për Parandalimin dhe Mbrojtjen nga Diskriminimi.
Komisioni së pari do të mbajë debat publik në të cilin do të përcaktojë propozim listën nga kandidatët e paraqitur pas Vendimit për shpalljen e konkursit publik për zgjedhjen e anëtarit të Komisionit për Parandalimin dhe Mbrojtjen nga Diskriminimi. Janë paraqitur shtatë kandidatë për anëtar të Komisionit për Parandalim dhe Mbrojtje nga Diskriminimi. Sipas informacioneve të publikuara në ueb-faqen e Kuvendit janë paraqitur kandidatët Mile Stojanovski, Kadrije Mustafa, Usein Elezoski, Zhaklina Damçeska, Kire Vasilev, Irfan Limani dhe Daniela Stojanovska Xhingovska.
Pastaj në mbledhjen tjetër të caktuar për në orën 14:00 do të përcaktohet propozim lista për zgjedhjen e anëtarit të Komisionit për Parandalim dhe Mbrojtje nga Diskriminimi. fc/
Foto: Arkivi
