Katërmbëdhjetë të vdekur në një përplasje mes një autobusi dhe një kamioni në Mali
- Në përplasjen e një autobusi me një kamion dje në qendër të Malit, 14 persona kanë humbur jetën, ndërsa 29 janë lënduar, prej të cilëve nëntë janë në gjendje të rëndë, njofton Ministria e Transportit.
![Katërmbëdhjetë të vdekur në një përplasje mes një autobusi dhe një kamioni në Mali](https://mia.mk/images/20240830083130_big_730x400_76.webp )
Bamako, 30 gusht 2024 (MIA) - Në përplasjen e një autobusi me një kamion dje në qendër të Malit, 14 persona kanë humbur jetën, ndërsa 29 janë lënduar, prej të cilëve nëntë janë në gjendje të rëndë, njofton Ministria e Transportit.
Sipas Ministrisë, aksidenti ka ndodhur rreth orës 6 sipas kohës lokale në Komunën e Fanës, duke shkaktuar dëme të mëdha materiale.
Autobusi ka qarkulluar nga Fana për në kryeqytetin Bamako dhe u përplas me një kamion me një rimorkio që drejtonte nga drejtimi i kundërt.
Të gjithë të pësuarit janë dërguar në Qendrën Shëndetësore në Fanë. Ka nisur hetimi për zbardhjen e plotë të rrethanave të këtij aksidenti.
Aksidentet rrugore janë të zakonshme në Mali dhe në përgjithësi shkaktohen nga kushtet e këqija të rrugëve dhe automjeteve dhe gabimet njerëzore.
Në fund të korrikut, 16 persona humbën jetën në një përplasje të dy autobusëve në qendër të Malit
Foto: Fejsbuk