Berlin, 15 dhjetor 2025 (MIA) - Kancelari gjerman Fridrih Merc të shtunën në mbrëmje bëri një paralele të ashpër mes presidentit rus Vladimir Putin dhe Adolf Hitler, duke i paralajmëruar se ambiciet e Kremlinit nuk do të ndalen në Ukrainë, shkruan Politiko.

Duke folur në konferencën e partisë së Unionit Kristian-Social në Bavari, e cila është ngushtë e lidhur me Unionin Kristian-Demokratik të tij, Merc përkujtoi në marrëveshjen historike me të cilën aleatët ia dorëzuan rajonin Sudet udhëheqësit nazist.

"Ashtu sikur Sudet nuk ishte i mjaftueshëm në vitin 1983, Putini nuk do të ndalet", tha Merc, duke shtuar se Hitleri e ka vazhduar zgjerimin e tij në Evropë më pas.

"Nëse Ukraina bie, ai nuk do të ndalet këtu", theksoi kancelari gjerman. "Kjo është një luftë agresive e Rusisë kundër Ukrainës - dhe kundër Evropës".

Sipas tij, qëllimi i Putinit është "ndryshimi themelor i kufijve në Evropë, rivendosja e Bashkimit të vjetër sovjetik në kufijtë e tij".

Kjo deklaratë vjen në kohën e aktiviteteve të rritura diplomatike. Merc, së bashku me presidentin francez Emanuel Makron dhe kryeministrin britanik Kir Starmer, i ka udhëhequr përpjekjet evropiane për përforcimin e mbështetjes për Kievin. Përfaqësuesit gjerman, britanik dhe francez fundjavën e kaluar biseduan për propozimet për ndërprerje të luftës, para takimit të sotëm të rëndësishëm të liderëve.

Njëkohësisht, përfaqësuesi amerikan Stiv Vitkof dje u takua me presidentin ukrainas Volodimir Zelenski, të cilin Merc sot do ta presë në Berlin.

Po përgatitemi për një plan paqësor prej 20 pikash të mbështetur nga SHBA, sipas informatave të arritshme, përfshin koncesione territoriale nga ana ukrainase. Një nga propozimet që diskutohet është rajoni i Donbasit të bëhet zonë e tregtisë së lirë ku kompanitë amerikane mund të punojnë lirshëm. sa/

Foto: EPA