Shkup, 1 maj 2026 (MIA) - Gëzuar 1 Majin - Ditën Ndërkombëtare të Punës. Me rastin e festës së sotme, u shpreh urimet e mia të sinqerta të gjithë punëtorëve që me njohuritë, aftësitë dhe përkushtimin e tyre kontribuojnë me përgjegjësi në funksionimin e shoqërisë sonë dhe zhvillimin e saj të vazhdueshëm, ka shkruar ministrja e Arsimit dhe Shkencës Vesna Janevska në faqen e saj në Fejsbuk.

 "Si ministre përgjegjëse për sektorin e arsimit dhe shkencës, siguroj se institucioni që drejtoj do të vazhdojë me përkushtim të krijojë dhe zbatojë politika që synojnë rritjen e motivimit dhe përmirësimin e statusit të të punësuarve në institucionet arsimore dhe shkencore", theksohet në postim.

 Ministrja shton se në periudhën e kaluar, pagat në shkolla janë rritur me mbi 20 për qind, dhe në universitete me mbi 14 për qind.

 "Paralelisht,  po investojmë në infrastrukturë me qëllim krijimin e kushteve më të mira të punës, po ndërtojmë një sistem që mundëson karrierë të sigurt dhe zhvillim profesional, dhe sjellim zgjidhje përmes një procesi gjithëpërfshirës në të cilin çdo mendim dhe kontribut ka vlerën e vet",  shton Janevska.

 Ajo rekomandon të vazhdohet  me mbështetjen e  ndërsjellë dhe përpjekjen e përbashkët për një të nesërme më të mirë.

 "Së bashku ta ndërtojmë Maqedoninë si një vend me një standard më të lartë jetese, me mundësi për prosperitet personal për çdo qytetar dhe si një shoqëri të drejtë me mundësi të barabarta për të gjithë",  shton Janevska.

Foto: Qeveria