Teheran, 29 dhjetor 2025 (MIA) - Kreu i bankës qendrore të Iranit dha dorëheqje sot pas demonstratave në Teheran dhe disa qytete të tjera për shkak të një rënieje të re rekord të vlerës së monedhës së vendit kundrejt dollarit amerikan.

Lajmi për dorëheqjen e Mohamad Reza Farzin u njoftua nga televizioni shtetëror.

Qindra tregtarë u mblodhën në rrugën Sadi në qendër të Teheranit, si dhe në lagjen Shush pranë tregut kryesor të Teheranit, Çarshia e madhe.

Tregtarët luajtën një rol kyç në Revolucionin Islamik të vitit 1979, i cili rrëzikou monarkinë dhe solli në pushtet një teokraci islamike.

Në disa pjesë të Teheranit, policia përdori gaz lotsjellës për të shpërndarë protestuesit.

Dëshmitarët deklaruan se tregtarët i mbyllën dyqanet e tyre dhe u thanë të tjerëve të bënin të njëjtën gjë.

Dje, një dollar vlente 1,42 milion rialë iranianë. Sot, vlente pak më shumë se 1,38 milion rialë.

Kur Farzin u bë guvernator i bankës në vitin 2022, dollari vlente 430.000 rialë.

Dorëheqja e Farzinit ka qenë temë diskutimi gjatë gjithë javës.

Vendi është përsëri nën sanksionet e Kombeve të Bashkuara për shkak të programit të tij bërthamor. ls/

Foto: Uikipedia