Shkup, 28 prill 2026 (MIA) - Autopsia e 59 viktimave të zjarrit në diskoteken "Puls" në Koçan tregon se vdekjet e tyre ishin të dhunshme dhe ndodhën si rezultat i helmimit nga monoksidi i karbonit. 

Në pesë nga viktimat, mendimi i autopsisë nga Instituti i mjekësisë ligjore gjithashtu, konstatoi se vdekja ishte e dhunshme, por e cila ndodhi nga mbytja nga presioni në gjoks ose si rezultat i mungesës së ajrit dhe oksigjenit në mjedisin përreth.

Autopsitë e tre viktimave të cilët vdiqën gjatë mjekimit, gjithashtu, kontestuan vdekjen e dhunshme, e cila ndodhi për shkak të dështimit akut të mushkërive nga intoksikim nga monoksidi i karbonit, ndërsa në njërën prej tyre për shkak të djegieve të shkallës së tretë në kokë dhe trup.

Prokuroria paraqiti edhe një përgjigje me shkrim nga Mjekësia ligjore, për të cilën tha, përmbante përgjigje për pyetjet se sa monoksid karboni është i pranishëm në gjak dhe sa shpejt ndodh vdekja nga mbytja nga monoksidi i karbonit, pastaj cilat janë indikacionet specifike dhe jospecifike, cili është ndryshimi midis mbytjes dhe helmimit nga monoksidi i karbonit dhe nëse ata do të ishin shpëtuar nëse do t’i ishin nënshtruar terapisë me oksigjen në vendngjarje dhe në spitale.

Prokuroria, gjithashtu, propozoi që të thirret dhe të merret në pyetje një ekspert i cili do të jep përgjigje në çdo pyetje shtesë që kanë rrjedhur ose rrjedhin nga mendimi i autopsisë.

"Ne për sot ishim të gatshëm të paraqisnim këto prova materiale. E dimë që edhe ju do të jeni të interesuar për pyetjet që do të bëhen nga eksperti, dhe për këtë arsye do t'ia paraqesim ato në formë të shkurar para Gjykatës në mënyrë që të shpërndahen", deklaroi Prokuroria.

Gjykata fillimisht informoi se ende nuk ishte kthyer asnjë informacion në lidhje me disponueshmërinë e një dëshmitari, ndërsa ekzaminimi për dy dëshmitarët e tjerë në lidhje me gatishmërinë e tyre për të dëshmuar nuk ishte përfunduar ende, pas çka vendosi të vazhdojë me paraqitjen e provave materiale.

Mbrojtja fillimisht kundërshtoi një propozim për të lexuar deklaratat e dhëna gjatë hetimit, duke potencuar se Dario Trifunov është dëshmitari i vetëm që e pa Martin Bucon të hynte në diskotekë pa çantë shpine dhe e fotografoi momentin, ndërsa deklarat e tij sipas nesh nuk ishte e vendosur plotësisht, ndërsa dëshmitarja Aleksandra Pepelarovska ka deklaruar se e pa personin që i vendosi spërkatësit dhe se Martini nuk ishte personi që i vendosi ato sepse e njeh atë personalisht.

"Propozojmë që Gjykata të mos i pranojë lehtësisht akuzat e tilla për leximin e deklaratave të dhëna në një hetim nga Prokuroria dhe se një sjellje e tillë paraqet shkelje", tha avokati.

Zjarri në diskoteken "Puls" në Koçani shpërtheu më 16 mars të vitit 2025, gjatë një ngjarje të grupit DNK, dhe është një nga tragjeditë më të këqija në historinë e kohëve të fundit të vendit. Gjykimi po udhëhiqet nga gjyqtarja Dijana Gruevska Ilievska, ndërsa prokuroria përfaqësohet nga një ekip prej 15 prokurorëve publikë. rq/

Foto: arkivi i MIA-s