Shkup, 23 prill 2026 (MIA) - Kultura duhet të bëhet shtytëse e transformimit urban dhe bazë e përhershme për zhvillimin e qytetit, porositi kryetari i Qytetit të Shkupit, Orce Gjorgjievski, në ngjarjen solemne "Shkupi - Kryeqendra evropiane e kulturës 2028: Fomrësimi i të ardhmes së Shkupit - Kultura, politika urbane dhe qytete të qëndrueshme evropiane" në kuadër të Shkupit - Kryeqendra evropiane e kulturës 2028.

Në fjalimin e tij, ai e theksoi mundësinë historike që e mban titulli dhe bëri thirrje që kultura të kuptohet si infrastrukturë publike, e jo si dekor. 

Çfarë do të thotë në të vërtetë për Shkupin të jetë Kryeqendra evropiane e kulturës? A do të thotë vetëm një vit i mbushur me ngjarje? Apo, siç do të thotë për mua, diçka shumë më e thellë - një mundësi që kultura të bëhet një transformim i përhershëm, një transformim publik i infrastrukturës së qytetit, një nxitës i zhvillimit urban, një mjet i kohezionit social, një burim i një ekonomie të re dhe bazë e një identiteti të ri urban", theksoi Gjorgjievski.

Kryetari i Qytetit kujtoi gjithashtu solidaritetin pas tërmetit të vitit 1963, duke theksuar se kjo trashëgimi duhet të transformohet në një forcë bashkëkohore për ripërtëritjen e interesit publik dhe besimit në institucione.

Me një vizion për Shkupin si një qytet të gjallë, Gjorgjievski arriti në përfundimin se titulli Kryeqendra evropiane e kulturës nuk duhet të jetë vetëm një festë njëvjeçare, por një ndryshim i përhershëm në mënyrën se si kuptohet, menaxhohet dhe jetohet qyteti. mb/

Foto: MIA

Фото: МИА