Shkup, 11 mars 2026 (MIA) - Gjashtë raste të ndara të dhunës në familje, pas çka nënpunësit policor ndaluan pesë persona të dyshuar për forma të ndryshme të dhunës fizike dhe psikologjike, u raportuan dje në disa qytete në të gjithë vendin, kumtoi Ministria e Punëve të Brendshme. 

Policia nga NJPB Gostivar e privuan nga liria J.Z. (27) nga fsh. Banjicë e Poshtme, rrethina e Gostivarit, duke vepruar në bazë të një denoncimi të mëparshëm prej gruas së tij 26-vjeçare se, për shkak të mosmarëveshjes së ndërsjellë, ka bërë kërcënime ndaj nënës së saj në një rrjet social.

Në Kriva Pallankë kishte dy raste. Rasti i parë është paraqitur në orën 12:05, kur nëpunësi policorë nga NJPB Kriva Pallankë e privuan nga liria T.D. (18) nga Kriva Pallanka për shkak se e kishte sulmuar fizikisht babain e tij. Ndërsa në rastin e dytë të paraqitur në orën 00:45,  e privuan nga liria E.V.M. (49) nga Kriva Pallanka i cili ka sulmuar fizikisht një 16-vjeçar, djalin e bashkëshortes së tij.

Nëpunës policorë nga SPB Manastir e privuan nga liria I.R. (33) nga një fshat i Manastirit, për shkak se, sipas kallëzimit, në shtëpinë familjare e ka sulmuar fizikisht gruan e tij 25-vjeçare.

Në NJPB Prilep, një grua 45-vjeçare nga Prilepi ka denoncuar se në shtëpinë familjare në Prilep ishte sulmuar fizikisht nga bashkëshorti i saj E.Sh. Ndërsa në Ohër, nëpunës policorë nga SPB Ohër e kanë privuar nga liria O.L. (44) nga Ohri sepse më parë e kishte sulmuar fizikisht gruan e tij të pakurorëzuar dhe fëmijën e tyre të mitur në shtëpinë familjare.

Nga Ministria e Punëve të Bredshme informojnë se po merren masa për zbardhjen e rasteve dhe pas dokumentimit të plotë të tyre, kundër kryerësve do të ngrihen kallëzime përkatëse.

Foto: arkivi i MIA-s