Bruksel, 21 janar 2026 (MIA) - Pjesëmarrja e Bashkimit Evropian në Këshillin për paqe në Gaza do të jetë temë diskutimi në Samitin e nesërm të BE-së, paralajmëroi sot zëvendës-zëdhënësi kryesor i Bashkimit Evropian, Olog Gil në përgjigje të pyetjes së gazetarëve nëse kryetarja e KE-së, Ursula fond der Lajen e ka pranuar ftesën që të jetë pjesë e këtij trupi të formuar nga presidenti amerikan, Donald Tramp.

"Për momentin kryetarja është e fokusuzar në përgatitjet e takimit të rëndësishëm të Këshillit Evropian që do të mbahet të enjten. Presim që Këshilli për paqe të jetë temë e diskutimit në takim", tha Gil.

Ai përkujtoi se Komisioni Evropian ka marrë ftesë nga SHBA-ja që të marrë pjesë në Këshillin për paqe dhe se e vlerëson këtë.

"Ne ndajmë qëllimin e arritjes së paqes dhe në veçanti kur bëhet fjalë për kontributin në fazën e dytë të planit gjithëpërfshirës për t'i dhënë fund konfliktit në Gaza. Ne po diskutojmë në mënyrë aktive me SHBA-në se si mund ta arrijmë së bashku këtë qëllim, ndërsa për këtë çështje jemi në kontakt të ngushtë me partnerët tanë të tjerë", shtoi Gil. mb/

Foto: MIA