San Salvador, 27 mars 2026 (Mia) - Parlamenti i Salvadorit miratoi vendosjen e dënimeve të përjetshme për të miturit që kryejnë vepra të rënda penale si vrasje, përdhunim dhe terrorizëm. 

Masa është pjesë e strategjisë së presidentit Naib Bukele për luftën kundër bandave. Fushata e tij në këtë drejtim vazhdon tashmë katër vjet dhe është kritikuar nga disa organizata për të drejtat e njeriut për krime të dyshuara kundër njerëzimit.

Sipas ndryshimeve kushtetuese, burgimi i përjetshëm mbetet një nga "dënimet e jashtëzakonshme" që zbatohen për personat nën 18 vjeç.

Reforma bazohet në amendamentet kushtetuese nga 18 marsi, të cilat lejojnë burgimin e përjetshëm – më parë i ndaluar nga kushtetuta e vendit – për krimet më të rënda penale. Para ndryshimeve kushtetuese, dënimi maksimal në El Salvador ishte 60 vjet burg.

Për më tepër, parlamenti e ka zgjatur gjendjen e jashtëzakonshme, e cila lejon arrestime pa urdhër gjyqësor, për edhe 30 ditë dhe që ka qenë në fuqi tashmë katër vjet. qa/

Foto: Arkivi