Angellov: Nga gjithsej 30 zjarre dje, nëntë janë ende aktive
- Gjatë ditës së djeshme në hapësirë të hapur kishte gjithsej 30 vatra zjarri. Nga këto, nëntë zjarre janë ende aktive, gjashtë janë vënë nën kontroll (zjarre që nuk mund të përhapen por ende po digjen), dhe 15 zjarre janë shuar plotësisht, edhe pse për fat të keq, tha sot drejtori i Qendrës për Menaxhim me Kriza (QMK) Stojançe Angelov, ditëve të kaluara kemi pasur raste kur janë ndezur sërish zjarre të shuar.
![Angellov: Nga gjithsej 30 zjarre dje, nëntë janë ende aktive](https://mia.mk/images/20240721112035_big_730x400_75.webp )
Shkup, 21 korrik 2024 (MIA) - Gjatë ditës së djeshme në hapësirë të hapur kishte gjithsej 30 vatra zjarri. Nga këto, nëntë zjarre janë ende aktive, gjashtë janë vënë nën kontroll (zjarre që nuk mund të përhapen por ende po digjen), dhe 15 zjarre janë shuar plotësisht, edhe pse për fat të keq, tha sot drejtori i Qendrës për Menaxhim me Kriza (QMK) Stojançe Angelov, ditëve të kaluara kemi pasur raste kur janë ndezur sërish zjarre të shuar.
Në përputhje me rreziqet e parashikuara, sipas informacioneve që ka në këto momente QMK, mëngjesin e sotëm në shuarjen e zjarreve prioritet do të jetë zjarri në Komunën e Çashkës, fshatrat Gabrovnik, Mokren, Jabollçishtë, Drenovë maja Lisec. Do të angazhohen dy helikopterë (MPB dhe ARM), me forca shtesë të angazhuara vendore dhe mbështetjen e 55 pjesëtarëve të Armatës.
Më pas në Komunën e Makedonski Brodit, fshati Tazhevë, në drejtim të fshatit Breznicë, do të angazhohet një helikopter i ARM-së (Mi 17), me forca shtesë të angazhuara lokale dhe me mbështetjen e 30 pjesëtarëve të Armatës.
Në shuarjen e zjarrit në komunën e Kavadarit, fshati Farish, do të operojnë dy er traktorë nga DMSH, me 20 anëtarë të NJSA Tigri të MPB-së.
Për Komunën Gradsko, Krivollak drejt Bregallnicës, zjarri që vjen nga Krivollaku, do të angazhohen 30 pjesëtarë të NJSA Tigri.
Zjarre të tjera aktive të hapura janë në Komunën e Çashkës, në fshatrat Jabollçisht, Drenovë maja Lisec, në Komunën e Dollnenit, fshatin Nebregovë, në Komunën e Probishtipit, vendi i quajtur Balabanicë, fshati Zelen Grad, në Komunën e Makedonski Brodit, fshati Brzenicë (vatër e re), si dhe në Komunën e Çashkës, vendi i quajtur Mukus, i transferuar nga Prilepi. sa/
foto: Arkivi i MIA-s
video: QMK Stojançe Angellov