Gjenevë, 28 nëntor 2025 (MIA) - Agjencitë e Kombeve të Bashkuara i kërkuan të martën Uashingtonit të vazhdojë t'u lejojë azilkërkuesve qasje në SHBA dhe të sigurojë që ata të marrin një gjykim të drejtë, pasi presidenti Donald Tramp u zotua të ndalojë migracionin nga vendet e botës së tretë pas sulmit në Shtëpinë e Bardhë.

Kur iu kërkua të komentonte mbi deklaratat e Trampit, zëdhënësi i Zyrës së Kombeve të Bashkuara për të Drejtat e Njeriut, Xheremi Lorens, tha në një konferencë për shtyp në Gjenevë se azilkërkuesit kanë të drejtë për mbrojtje sipas ligjit ndërkombëtar dhe duhet t'u ofrohet një gjykim i drejtë, raportuan mediat britanike.

Zëdhënësja e Zyrës së Kombeve të Bashkuara për Refugjatë, Juxhin Bjun, dha deklaratë të ngjashme.

"Kur njerëzit që kanë nevojë për mbrojtje mbërrijnë në territorin e tyre, ata duhet të kenë një procedurë të drejtë azili. Dhe pastaj ata duhet të kenë qasje në territor", tha ajo, duke shtuar se një numër i madh refugjatësh janë anëtarë legjitimë të shoqërisë pritëse.

Ajo theksoi se në këtë moment KB me të vërtetë dëshiron të përballet me vendet që marrin refugjatë dhe kërkues të azilit.

Presidenti amerikan Donald Tramp njoftoi masa të reja më të ashpra për migrimin, duke përfshirë pezullimin e përhershëm të migrimit nga "vendet e botës së tretë" dhe ndërprerje të të gjitha përfitimeve federale për personat që nuk janë shtetas të SHBA-së.

Në një postim në rrjetin social "Truth Social", Tramp tha se donte ta "çlironte plotësisht" sistemin amerikan, por nuk specifikoi se cilat vende do të mbuloheshin nga ky kufizim, raporton Si-En-Bi-Si.

Tramp tha se do të ndërpresë "miliona" përfitime nga administrata e ish presidentit të SHBA-së, Xhozef Bajden, dhe do të largojë këdo që, siç tha ai, "nuk ka një vlerë neto për SHBA-në ose është i paaftë ta dojë vendin".

Plani përfshin ndërprerjen e subvencioneve federale për shtetasit e huaj, heqjen e shtetësisë nga ata që pretendon se "prishin paqen e brendshme" dhe deportimin e të huajve që thuhet se janë "një barrë publike, një rrezik sigurie ose të papajtueshëm me qytetërimin perëndimor".

Këto deklarata pasuan pas të shtënave pranë Shtëpisë së Bardhë, në të cilat u plagosën dy anëtarë të Gardës Kombëtare, nga të cilët njëra ndiq sot. sa/

foto: MIA arkivi