Делчево, 9 август 2025 (МИА) – Над 400 играорци од Македонија, Србија, Босна и Херцеговина и Бугарија синоќа го промовираа фолклорното богатство на јубилејното 30-то издание на традиционалните „Голачки фолклорни средби“ во Делчево.

На летната сцена пред Спомен-домот „АСНОМ“ настапија 13 културно-уметнички друштва и ансамбли, оркестри, пејачки групи и инструменталисти. 

Поради забраната за движење во шума и зголемениот ризик од пожари, фестивалот и годинава се одржа во центарот на градот, со одлука на сите релевантни чинители.

– Локацијата не го намалува значењето на фестивалот. Напротив, кога е фолклорот во прашање, секоја сцена е соодветна. Нашата цел е да ја продолжиме традицијата – истакнаа градоначалникот на Делчево, Горан Трајковски.

Директорот на НУЦК „Никола Јонков Вапцаров, Златко Начовски изрази јавна благодарност до сите учесници, како и до Општина Делчево и Министерството за култура, кои овозможија уште една вечер во знакот на фолклорот и традицијата. 

На настанот му претходеше дефиле низ градските улици во Делчево. вс/ац/

Фото: МИА