Скопје, 20 април 2026 (МИА) - Министерката за образование и наука Весна Јаневска соопшти дека ќе има уште еден сосатанок со, како што рече,  заинтересирана група и оти тој ќе биде последен од состаноците што досега ги имаше во врска со законот за високо образование.

-Законот е веќе затворен, но да ги сослушаме сите што побараа средба и потоа ќе оди во владина процедура, што значи потреба законодавството да го провери уште еднаш законот, за да види дали е во согласност со други закони, дали е напишан така како што треба со правнички јазик итн. Потоа на владина седница да ги слушнеме сите членови на Владата и откога и тоа ќе се заврши оди во собраниска процедура, рече Јаневска одговарајќи на новинарско прашање при посетата на Технолошко-металуршкиот факултет. хс/ац/

Фото: МИА архива