Единбург, 6 март 2024 (МИА) - Шкотската влада долги години го поставува прашањето за независноста на земјата од Велика Британија, а пред неколку дена Шкотска претстави уште еден дел од планот за уставни измени наречен „Местото на независна Шкотска во светот“. Тој план, меѓу другите сегменти, во голема мера е поврзан со одбранбените прашања, особено со нуклеарното оружје.

Проблемот е што главната база за британските нуклеарни подморници „Авангард“ опремени со Trident ICBM е во Шкотска во поморската база Фаслане, една од трите оперативни бази на морнарицата.

Згора на тоа, до оваа база се наоѓа складиштето на нуклеарни боеви глави, базата Кулпорт. Во програмата на шкотската влада пишува дека од земјата треба да се отстрани целото нуклеарно оружје по нејзиното повлекување од Велика Британија. Во исто време, што е можно побрзо, без преоден рок.

-Нуклеарното оружје мора да биде отстрането од Шкотска на најбезбеден и најбрз можен начин по независноста, се наведува во документот.

Во случај на независност на Шкотска, главното прашање за Лондон нема да биде само каде да се постават четири подморници „Вангард“ со интерконтинентални ракети „Тридент“. Не само каде да се сервисираат и поправаат, туку и каде да се чуваат нуклеарните боеви глави. Значи, ако Шкотска стане независна, тогаш Лондон ќе има итна потреба да создаде нова база со можност за складирање на нуклеарно оружје. мс/

фото: МИА архива