Ботошани, 17 септември 2020 (МИА) - Тетовска Шкендија забележа победа на гостувањето во Романија кај Ботошани со 0:1 и се пласираше во третата рунда од квалификациите за Лигата на Европа. Македонскиот претставник во второто по квалитет натпреварување во Европа уште во третата минута до отвори резултатот, а стрелец на голот беше Бесарт Ибраими со убав удар од далечина. Романците одиграа добар натпревар и имаа неколку добри шанси, но Костадин Захов спаси неколку удари на домаќините. Шкендија од 67. минута играше и со играч помалку, откако Арменд Алими доби втор жолт и автоматски црвен картон, но и со играч помалку тетовскиот тим успеа да ја задржи предноста. Шкендија во 3. коло го чека подобриот од дуелот меѓу Локомотив Пловдив и Тотенхем.