Нион, 29 август 2025 (МИА) – Четири кандидатури се поднесени за домаќин на Европското првенство за жени во 2029 година откако Италија ја повлече својата кандидатура, соопшти денеска УЕФА.

Данска и Шведска поднесоа заедничка кандидатура, додека Германија, Полска и Португалија поднесоа свои кандидатури.

УЕФА потврди дека ги добила последните четири кандидатури пред крајниот рок на 28 август, а Италија потврди дека ја повлекла својата кандидатура.

Домаќинот на Европското првенство за жени во 2029 година ќе биде објавен на состанокот на Извршниот комитет на УЕФА во Нион на 3 декември.

Бранител на титулата е Англија која ова лето триумфираше на завршниот турнир во Швајцарија што донесе рекордна посетеност.ег

ФОТО: Икс