Минхен, 15 март 2026 (МИА) - Голманот на Баерн, Свен Улрајх, заработи повреда на аддукторскиот мускул на десната бутина во ремито 1:1 вчера против Баер Леверкузен во натпревар од 26. коло од германската Бундеслига.

Тој е четвртиот голман на тимот од Минхен кој е надвор од игра поради повреда. Претходно, Мануел Нојер заработи истегнување на листот, на Јонас Урбиг му беше дијагностициран потрес на мозокот, а на Леон Кланац повреда на бутот.

Според Кикер, 16-годишниот Леонард Прескот би можел да дебитира во реваншот од осминафиналето на Лигата на шампионите против Аталанта.

Баерн ќе биде домаќин на Аталанта во среда, 18 март. Првиот натпревар меѓу екипите заврши со резултат од 6:1 во корист на Баварците. зс/

Фото: ЕПА