Скопје, 9 декември 2024 (МИА) - Горат два камиона (шлепери) во фирмата „Атлантик“ во населба Визбегово, но постои опасност да бидат зафатени и други камиони, соопшти вечерва Центарот за управување со кризи.

-Преку Единствениот повикувачки број за итни случаеви 112 во ЦУК, вечерва во 21:14 часот, е добиена пријава за пожар во фирмата „Атлантик“ во населба Визбегово. Според првичните информации се работи за пожар на два камиона (шлепери), но според пријавата на јавувачот постои опасност да бидат зафатени и други камиони, се наведува во соопштението.

Од спротивна страна на патот, како што велат од ЦУК, се наоѓа бензинската пумпа ХИБ Петрол.

За настаната состојба веднаш се известени БППЗ на Град Скопје и ЦИК на МВР. дма/

Фото: МИА архива