Хрватските државјани од Вухан ќе се вратат со помош на Франција
- Хрватското Министерство за надворешни работи денеска соопшти дека, со помош на Франција, е обезбеден превоз за четворица хрватски државјани кои треба да се вратат во земјата од Вухан, каде по
![Хрватските државјани од Вухан ќе се вратат со помош на Франција](https://mia.mk/images/20221102172528_big_730x400_37.webp )
Загреб, 1 февруари 2020 (МИА) - Хрватското Министерство за надворешни работи денеска соопшти дека, со помош на Франција, е обезбеден превоз за четворица хрватски државјани кои треба да се вратат во земјата од Вухан, каде поминаа 14 дена во карантин поради коронавирусот.
„Со француска организација, тие треба да слетаат во утринските часови, во јужниот дел на Франција. Поради мерки на претпазливост, по пристигнувањето ќе бидат сместени во изолација каде ќе останат 14 дена пред да се вратат во Хрватска, се наведува во соопштението на хрватското МНР.
Исто така, се додава дека хрватските дипломатски претставништва во Пекинг и Париз, заедно со Управата за конзуларни работи на Министерството за надворешни работи и Постојаното претставништо на Хрватска во ЕУ, во Брисел, ги преземале сите активности за што поскоро да ги пренесат четворицата хрватски државјани од кинескиот град Вухан во Европа. паг/