Лондон, 29 мај 2025 (МИА) - Раководството на Сандерленд е заинтересирано за потписот на играчот од средниот ред Џордан Хендерсон, пишува „Daily Mirror“. 

Триесет и четиригодишниот Англичанец е подготвен да го напушти ПСВ по заминувањето на италијанскиот тренер Франческо Фариоли.

Покрај Сандерленд, за англискиот фудбалер заинтересирани се и два клуба од Серија А, како и Ренџерс од Шкотска.

Сандерленд беше првиот клуб на Хендерсон, за кој играше од 2008 до 2011 година. На крајот на сезоната 2024/25, Сандерленд избори враќање во Премиер лигата.

Во сезоната 2024/25, Хендерсон одигра 45 натпревари за ПСВ во сите натпреварувања, постигна еден гол и шест асистенции.

Договорот на фудбалерот со холандскиот клуб истекува на 30 јуни 2026. 

Порталот „Трансфермаркт“ ја проценува трансферната вредност на играчот од средниот ред на 2,5 милиони евра. зс/

Фото: ЕПА