Вашингтон, 6 ноември 2024 (МИА) – Потпретседателката Камала Харис денеска нема да им се обрати на приврзаниците, но се очекува да зборува утре, рече копретседавачот на нејзината кампања, додека продолжуваат да пристигнуваат изборните резултати од целата земја.

- Имаме уште гласови за броење. Сè уште имаме држави во кои сè уште се гласа, изјави Седрик Ричмонд.

Неговата изјава дојде откако Си-Ен-Ен проектира дека поранешниот претседател Доналд Трамп ќе победи во две од клучните колебливи држави: Северна Каролина и Џорџија.

Ричмонд рече дека кампањата ќе продолжи да се бори „за да се осигура дека секој глас е преброен“. јт/

Фото: МИА архива