Вашингтон, 26 февруари 2026 (МИА) – Состојбата со слободата се влошила минатата година, а авторитаризмот се засилил, утврди невладината организација Фридом Хаус, која ја следи состојбата на демократијата ширум светот, во својот годишен извештај објавен денеска.

Во извештајот се забележува дека и покрај негативните трендови, има неколку случаи на значително подобрување во регионот на Јужна Азија.

Организацијата со седиште во Вашингтон ја оценува состојбата на слободата во секоја земја користејќи систем на поени од нула до сто, со тоа што колку повеќе поени има земјата, толку е послободна. Во зависност од тоа колку поени добива една земја, таа спаѓа во една од трите категории: слободни земји, делумно слободни и неслободни.

Во овогодишното рангирање на Фридом Хаус, непрофитна организација финансирана од американската влада, две земји добија статус на слободни: Сенегал и Бутан, хималајското кралство кое ја консолидира својата транзиција кон демократија преку избори.

Нашата земја, исто како и минатата година, има 67 од 100 поени и е рангирана како делумно слободна. јт/

Фото: Фридом Хаус