Штип, 27 септември 2023 (МИА) -  Франција со позитивен став гледа кон интеграцијата на вашата држава, вели универзитетската професорка на Правникот факултет во Тулуз, Кристин Ле Паб  која предава историја на право, меѓудржавни и политички односи, а денеска беше дел од десеттата, Меѓународна научна конференција на Правниот факултет при Универзитетот „Гоце Делчев“-Штип.  

-Ректорот на нашиот Универзитет, би сакал, како еден прв чекор во таа интеграција да ги доближи македонските универзитети во соработка со нашиот Универзитет и Универзитетите во Франција, вели Ле Паб.

Во врска со прашањето  кога ЕУ ќе ги отвори вратите за проширување, Ле Паб  со оптимизам вели дека се надеваат најскоро, колку што е возможно. Забележува дека Европската унија дава насоки на нашата земја за усогласување на законодавството со ЕУ. Тоа го прави чекор по чекор.

-Ние сакаме Македонија да стане дел од ЕУ, но притоа и да си ја задржи сопствената бит, односно сопствената убавина и традиција, вели Ле Паб.

За прашањето колкави се казните за функционерите во Франција доколку на суд се докаже вина за корупција и криманал, универзитетската професорка  вели дека во Франција тоа не е проблем за што јавноста разговара или дебатира.

-Не е популарно, едноставно не е тема на дискусија во нашите медиуми. Има една репутација на чесност и ние им веруваме, имаме доверба во системот и дека функционерите се чесни, вели Ле Паб. вдј/љм/

Фото: МИА