Куманово, 21 август 2025 (МИА) – Македонскиот шампион во футсал, Форца, вечерва и утревечер ќе одигра два контролни натпревари против бугарскиот првак Левски во Софија.

„Овие пријателски дуели ќе послужат како финална подготовка пред главните предизвици во новата сезона во Лигата на шампиони и квалификациите во прелиминарната рунда која ќе се игра од 27 до 30 август во Куманово“, соопшти клубот.

Кумановска Форца идната недела ќе биде домаќин на квалификациската група А во која за противници ќе ги има Енкамп од Андора, Ереван од Ерменија и Мурата од Сан Марино.

Само првопласираната екипа ќе обезбеди пласман во втората квалификациска фаза во Лигата на шампиони во фитсал. ег

ФОТО: Фејсбук