Милано, 2 декември 2024 (МИА) - Милан не може да си дозволи да го потцени второлигашот Сасуоло, изјави главниот тренер на „росонерите“ Пауло Фонсека на прес-конференцијата пред натпреварот.

„Црвено-црните“ се домаќини на лидерите во Серија „Б“ утре во осминафиналето на Купот на Италија.

-Тие не се тим од Серија „Б“. Многу од нивните играчи се на ниво во Серија „А“. Не е само Доменико Берарди. Во претходното коло тие го победија Лече со 2-0 - елитен тим. Тие се исто така први во поредокот и се многу силен тим, изјави Фонсека.

Сасуоло испадна од Серија „А“ оваа година откако „нероверди“ поминаа 11 сезони меѓу најдобрите во Италија.

- Ги предупредив играчите да очекуваат тежок натпревар против тим кој, според мене, треба да биде во Серија „А“. Не сме го освоиле Купот долго време. Мора да имаме чиста амбиција на овој турнир, додаде Фонсека, чиј тим е седми во Калчото.

Португалецот посочи дека ќе има промени во составот за утрешниот натпревар во однос на победата од 3-0 над Емполи викендов. Милан во петок ќе гостува кај Аталанта, кои се втори на табелата.

-Пред два дена имавме натпревар. Ако не го менаџираме тимот како што треба, играчите може да имаат физички проблеми. Не го сакам тоа. Имам верба во сите играчи. Утре ќе има промени, но сигурно наша цел е да го добиеме мечот, додаде уште Фонсека. дс

Фото: Архива