Џеда, 12 јануари 2026 (МИА) – Тренерот на Барселона, Ханс-Дитер Флик, даде свое видување за победата од 3:2 над Реал Мадрид во финалето на Шпанскиот Суперкуп.

- Во добро расположение сме, имаме многу самодоверба во моментов. Ова финале беше многу важно за нас бидејќи натпреварите против Реал Мадрид секогаш се нешто посебно. Повторно го освоивме трофејот, а тоа е фантастично. Добро е кога сме фокусирани, концентрирани и играме како што игравме денес. Тоа е важно. Менталитетот на Рафиња е неверојатен, неговата динамичност влијае на целиот тим. Тој ја пропушти првата шанса, но беше таму во втората и го постигна првиот гол, што му даде на тимот поголема самодоверба. Тоа е она што Рафиња го носи на теренот - високиот интензитет што ни е потребен, рече германскиот тренер на прес-конференција.

Шеесетгодишниот Флик ги освои сите осум финалиња во својата менаџерска кариера, вклучувајќи го Купот на Кралот 2024/25 и Суперкупот 2025 со Барселона.

Каталонците имаат најмногу трофеи во шпанскиот Суперкуп - вкупно 16. зс/

Фото: ЕПА