• четврток, 03 април 2025
Македонски
  • English
  • Shqip
  • Македонски

Успешен настап на кајакарите на Арка – Борец во второто коло од Лигата на Југоисточна Европа

Успешен настап на кајакарите на Арка – Борец во второто коло од Лигата на Југоисточна Европа

Чачак, 30 март 2025 (МИА) - Кај јуниорите, кајакарот Благој Гугинов беше незапирлив. Со совршено избрана патека низ брзаците, стигна до убедлива победа и го освои златниот медал.

Во пионерската категорија, Андреј Апостолов ја потврди својата доминација и со неверојатна енергија го освои првото место, информира за МИА, Љубомир Спасиќ по денешниот успешен настап на велешките кајакари од сите категории во Чачак, Србија, во натпреварите од второто коло од Лигата на Југоисточна Европа во кајак на диви води.

-Возбудлива трка, неизвесни моменти и силна борба – така изгледаше денешното второ коло. Нашите натпреварувачи со срце и посветеност се бореа за секунда побрзо време, а резултатите се фантастични, потенцира Спасиќ.

Тој во сениорска конкуренција го освои второто место, а додека неговиот клупски колега Кристијан Лазаров, заврши на четвртото место.

Во категоријата ветерани, Енис Небиовски се закити со сребрен медал. ад/

Остани поврзан