Украински бегалец освоил 500.000 евра од грепка во Белгија
- Добитникот чиј идентитет, според правилата на лотаријата, ќе остане непознат, е маж на возраст меѓу 18 и 24 години и последниве 12 месеци живее во Брисел.
![Украински бегалец освоил 500.000 евра од грепка во Белгија](https://mia.mk/images/20230613080748_big_730x400_64.webp )
Брисел, 13 јуни 2023 (МИА) - Бегалец од Украина освоил премија од 500.000 евра на лотарија во Белгија. Добитникот чиј идентитет, според правилата на лотаријата, ќе остане непознат, е маж на возраст меѓу 18 и 24 години и последниве 12 месеци живее во Брисел.
Тој минатиот месец купил грепка за пет евра на бензинска пумпа. Тоа значи дека добивката е сто илјади пати поголема од „влогот“.
Во Белгија не се плаќа данок на добивка на лотарија. си/
Фото: МИА архива.