Анкара, 17 јули 2025 (МИА) - Турските обвинители подигнаа обвинение против новинарот Фатих Алтајли, барајќи минимум пет години затвор за неговите коментари за претседателот на земјата, Реџеп Тајип Ердоган.

Алтајли, кој има повеќе од 1,5 милиони претплатници на „Јутјуб“, беше приведен минатиот месец во исчекување на судењето откако на социјалните мрежи ја критикуваше анкетата во која мнозинството Турци изразија противење на доживотна казна затвор за Ердоган.

Тој ги негираше обвиненијата, велејќи дека неговите коментари се извадени од контекст и се дел од „историска и реторичка дебата“.

Во видео, осврнувајќи се на отоманската историја, Алтајли рече дека Турците „убивале“ или „задавувале“ владетели што повеќе не ги сакале на власт.

Неговите изјави предизвикаа остра реакција од помошникот на Ердоган, Октај Сарал, кој на платформата „X“ рече дека „водата на Алтајли врие“.

Тој е обвинет за „заканување кон претседателот“, што носи минимална казна од пет години затвор. мс/

фото: ЕПА архива