Трошоците на живот во 2021 зголемени за 3,2 отсто во споредба со 2020 година
- Трошоците на живот во декември биле поголеми за 0,4 проценти во однос на ноември, а цените на мало за 0,9 проценти, објави денеска Државниот завод за статистика. Во споредба со 2020 година
![Трошоците на живот во 2021 зголемени за 3,2 отсто во споредба со 2020 година](https://mia.mk/images/20221112023657_big_730x400_10.webp )
Скопје, 10 јануари 2022 (МИА) - Трошоците на живот во декември биле поголеми за 0,4 проценти во однос на ноември, а цените на мало за 0,9 проценти, објави денеска Државниот завод за статистика.
Во споредба со 2020 година, трошоците на живот бележат пораст од 3,2 проценти, додека цените на мало се зголемени за 4,3 проценти.
Пораст е забележан во групите: Транспорт за 9,9 проценти, Ресторани и хотели за 5,9 проценти, Алкохолни пијалаци, тутун и наркотици за 3,8 проценти, Храна и безалкохолни пијалаци за 3,1 процент, Здравје за 2,9 проценти, Домување, вода, електрика, гас и други горива и Рекреација и култура за 2,7 проценти, Разновидни стоки и услуги за 1,4 проценти, Мебел, покуќнина и одржување на
домаќинствата за 1 процент и Облека и обувки за 0,2 проценти. Намалување на индексите имало кај комуникациите за 0,5 проценти, а образование е на исто ниво како претходната година. бак/лв/