15 октомври 2025

Кандидатот за градоначалник на Град Скопје од коалицијата „Искуство за успех“, Александар Трајановски, денеска го претстави архитектонскиот концепт за новите катни гаражи и пензионерскиот дом што ќе се гради на местото на постојните бараки на Град Скопје, соопшти неговиот изборен штаб.

„Време е да се замени хаосот со ред. Новите катни гаражи ќе го ослободат јавниот простор, ќе овозможат уредено паркирање и современ систем со полначи за електрични возила,“ изјави Трајановски.

Меѓу двете гаражи ќе се изгради современ пензионерски дом со соодветна грижа, зелен покрив и пристапност за сите граѓани, еден од петте нови домови што се предвидени во програмата на Трајановски.

„Овие домови ќе бидат човечки и прифатливи за секој што има потреба од грижа. Градот Скопје ќе обезбеди субвенции за сместување, за граѓаните да не мора да плаќаат баснословни суми за достоинствена старост,“ истакна Трајановски.

Со овој проект, Трајановски најави нов модел на урбано и социјално уредување, кој ги поврзува инфраструктурните решенија со грижата за луѓето.

„Ова не е само проект за објекти, туку за луѓе. Скопје мора да се грижи и за младите и за старите – за секој што заслужува сигурност и достоинство,“ порача Трајановски.

Коалиција „Искуство за успех“