Тетово, 28 октомври 2022 (МИА) - Амбасадорот на Франција Сирил Бoмгартнер, денеска во централното седиште на на Алијанса за Албанците (АА) се сретна и разговораше со партискиот претседател Арбен Таравари.

Како што информираа од АА, по средбата се разговарало за актуелната политичка состојба, како и за заедничките предизвици во планот за евроатлантската интеграција.

-Алијанса за Албанците е целосно посветена и дава поддршка за сите досегашни иницијативи поврзани со интеграциите. Алијансата за Албанците ќе го продолжи овој пат во интерес на државата и нејзините граѓани. Пред амбасадорот на Франција ги образложив плановите и стратегијата на АА за иднината, барајќи и помош од амбасадата и експертите, изјави Таравари на заедничката прес-конференција.

Амбасадорот на Франција Сирил Бoмгартнер рече дека се чувствува почестен што е првиот амбасадор којшто  ги посетил новите централни канцеларии на Алијанса за Албанците во Тетово

-Франција има посебен однос со градот Тетово. Се разговараше за справувањето со предизвиците што ја очекуваат земјата, ценејќи  ја и улогата на АА, со цел да се олесни процесот на интеграцијата, со оглед дека вашата земја веќе го има трасирано патот кон иднината, посочи Баумгартнер. ас/мд/