Скопје, 20 август 2025 (МИА) - Денес не споделуваме само техничка вест или административна одлука, денес споделуваме вест на срцето и совеста, чекор напред кон социјална правда, конкретен доказ дека моќта на државата треба да биде во служба на луѓето на кои им е најпотребна, истакна Дритон Сулејмани - портпаролот на ВРЕДИ на прес-конференција што МИА ја пренесува интегрално.

Владата, преку Министерството за енергетика, рудници и минерални ресурси, објави јавен оглас за финансиска поддршка за електрична енергија за најранливите семејства, одлука што носи во себе не само економска вредност, туку и длабоко хумана.

Преку оваа мерка, вкупно 42,3 милиони денари ќе бидат распределени како директни попусти од 1.000 денари месечно на сметките за електрична енергија, во период од 1 година, на домаќинства во кои живеат: лица со попреченост, лица кои се целосно слепи или глуви, корисници на посебен надоместок согласно Законот за социјална заштита.

Ова не е милост, туку социјална правда. Ова не е пропаганда, туку конкретна акција. Ова е политика на хуманизам што му дава значење на зборот „држава“.

Почитувани граѓани,

Ние во ВЛЕН веруваме дека политиката има смисла само кога ги допира реалните животи на луѓето. А оваа одлука ги допира реалните животи на мајка која одгледува дете со попреченост, на пензионер кој живее од социјална помош, на граѓанин кој се чувствувал заборавен со децении.

Ова е скромен чекор во монетарна вредност, но многу голем во симболика. Бидејќи со ова велиме: „Државата е тука за вас. Не сте сами“.

Почитувани граѓани,

Енергијата не е само киловати. Енергијата не е само мегавати. Енергијата е живот. Енергијата е безбедност. Енергијата е солидарност.

Со насочување на поддршката таму каде што болката е најдлабока, создаваме систем каде што светлината не е луксуз, туку право. Каде што греењето не е привилегија, туку неопходност.

Затоа, апелираме до сите, аплицирањето е отворено. Информирајте ги семејствата, пријателите, соседите кои би можеле да имаат корист од оваа мерка. Никој да не биде изоставен. Нека ова биде заедничка кампања не само на владата, туку и на колективната совест. ВЛЕН ќе продолжи да ги поддржува ваквите политики со сето наше срце и институционален капацитет. Бидејќи веруваме дека едно општество е навистина силно само кога најслабите меѓу нас се чувствуваат заштитени.

Ви благодариме за вашата доверба и трпение, ви благодариме што градите држава што ВРЕДИ за сите заедно!

ВИДЕО:
https://www.filemail.com/d/etblzrgvgidsdzu

ВРЕДИ