Скопје, 3 октомври 2025 

Едносменска настава за сите ученици во Ѓорче Петров! Почитувани, во изминатиот период покажавме дека вистински се грижиме за нашите ученици во основните училишта. Веќе 60 проценти од учениците посетуваат едносменска настава, а крајната цел е во сите училишта во Ѓорче Петров да се оди во една смена, стои во соопштението на кандидатот за градоначалник на ВМРО-ДПМНЕ за општина Ѓорче Петров Александар Стојкоски, што МИА го пренесува интегрално.

Поставуваме нови приоритети. Предвидуваме доградба на пет основни училишта во општината.

Ќе се доградуваат општинските основни училишта „Страшо Пинџур“, „Мирче Ацев“, „Јоаким Крчоски“, и централното и подрачното основно училиште „Димитар Поп Георгиев Беровски“, како и основното училиште „Јоаким Крчоски“ во Волково.

Со ова, целосно ќе ги зголемиме капацитетите и ќе овозможиме учениците да посетуваат настава во една смена со што ќе им овозможиме повеќе време за слободни активности, повеќе време за престој со нивните родители, со семејствата, и за воншколски активности.  

Предвидуваме и изградба на нова училишна спортска улишна сала во подрачното училиште во с.Никиштане.

Од вас зависи реализацијата на овие проекти. На 19 октомври одлучувајте мудро и направете го вистинскиот избор.

Гласајте за број 9.

Линк од видео материјал: 
https://youtube.com/shorts/iAMssa2FIhI

Центар за комуникации на ВМРО-ДПМНЕ

Фото: ВМРО-ДПМНЕ