Скопје, 18 февруари 2025 (МИА) - Пратеникот Димитар Апасиев, како претседател на Постојаната анкетна комисија за заштита на слободите и правата на граѓанинот, денеска остварил средба со претставници на Сојузот на синдикати на Македонија (ССМ), меѓу кои и претседателот на оваа Организација, Слободан Трендафилов.

Можностите за унапредување на правата и стандардот на работниците, како што соопшти собраниската прес - служба, биле во фокусот на дискусијата, при што стана збор и за евентуални интервенции во закони кои ја покриваат оваа област.

Пратеникот Апасиев и претставниците на ССМ размениле мислења околу Законот за работни односи, во насока на предвидување исплата на патни трошоци за вработените.

- Исто така, беа разменети мислења и околу потрошувачката кошничка и за очекуваното зголемување на минималната плата, со цел подигање на стандардот на работниците, се наведува во соопштението од Собранието на РСМ. цр/ац/

Фото: Собрание на РСМ