Смолинг воодушевен што се врати во Рома
- Според италијанските медиуми, 30-годишниот англиски фудбалер се преселил во Рома за 15 милиони евра.
![Смолинг воодушевен што се врати во Рома](https://mia.mk/images/20221104215740_big_730x400_22.webp )
Рим, 6 октомври 2020 (МИА) - Поранешниот фудбалер на Манчестер Јунајтед, Крис Смолинг, потпиша тригодишен договор со Рома.
Според италијанските медиуми, 30-годишниот англиски фудбалер се преселил во Рома за 15 милиони евра.
„Скај“ изјави дека во договорот постои опција да се продолжи соработката за уште една година.
Смолинг минатата сезона ја помина на позајмица во Рим и забележа 37 настапи, два гола и три асистенции.
- Ништо во животот што вреди не е лесно да се има. Мојата глава и моето срце отсекогаш биле со Рома. Воодушевен сум што сум повторно тука, изјави Смолинг за веб-страницата на клубот.