Мадрид, 25 декември 2024 (МИА) - Манчестер Сити се обидува да го купи напаѓачот на Реал Мадрид, Родриго, пренесе „Релево“.

Според изворот, на крајот од минатата сезона, фудбалерот бил разочаран што целото внимание е насочено кон неговите соиграчи - Винисиус Жуниорс и Џуд Белингем. Згора на тоа, тој доживуваше проблеми од лична природа.

Сепак, Родриго немал намера да го напушти мадридскиот клуб и ја одбил примамливата понуда што му ја дадоа „граѓаните“.

Реал, исто така, не бил подготвен да се раздели со напаѓачот, но ситуацијата сега може да се смени, посебно со доаѓањето и на Килијан Мбапе, што остава уште помалку простор за Бразилецот да продре во првиот тим.

Родриго (23) игра за Реал Мадрид од 2019 година. Во тековната сезона, фудбалерот одигра 20 натпревари за „белиот балет“ во сите натпреварувања, постигна 5 гола и направи 4 асистенции. дс

Фото: Архива