Киев, 2 јануари 2025 (МИА) - Врховниот командант на украинската армија, генерал Олександр Сирски, го сумираше развојот на ситуацијата на фронтот во руската погранична област Курск по посетата на тамошните украински сили, јави ДПА.

Во објава на Телеграм, Сирски рече дека од почетокот на украинската офанзива во областа Курск, руската армија изгубила повеќе од 34.000 војници кои биле убиени или ранети во обидите да ги потиснат украинските сили.

„Благодарение на херојските напори на украинската војска, непријателот беше принуден да задржи голем број војници на својата територија и да премести резерви од други правци“, напиша Сирски.

Тој додава дека речиси пет месеци се заробени околу 700 руски војници, кои Украина може да ги размени за свои војници кои се во руско заробеништво. рп/

Фото: МИА архива