Мелбурн, 7 јануари 2025 (МИА) - Светскиот рекет број еден, Италијанецот Јаник Синер ги процени шансите да ја одбрани титулата на Австралија Опен оваа година.

- Враќањето на турнирот како бранител на титулата е посебно чувство кое не може да се спореди со ништо друго. Со нетрпение го очекувам почетокот на турнирот и сакам да видам како ќе се справам со оваа задача, ги цитира „Ubitennis“ зборовите на Синер.

Во исто време, тенисерот истакна дека има работи многу поважни од освојување трофеи.

- Се обидувам да се опкружам со луѓе на кои навистина им верувам. Да имаме луѓе околу нас што ги сакаме е многу поважно од освојување трофеи.

Во финалето на Австралија опен 2024 година, Синер го победи Русинот Данил Медведев во пет сета. Вкупно 23-годишниот Италијанец има две победи на Грен слем турнирите.

Австралија опен 2025 година ќе се одржи од 12 до 26 јануари на терените на спортскиот комплекс „Мелбурн Парк“. зс/

Фото: ЕПА