Северна Кореја истрела ракета во морето по воените вежби на САД и Јужна Кореја
Сеул, 8 октомври 2022 (МИА) - Јужна Кореја соопшти дека Северна Кореја истрелала балистичка ракета кон нејзините источни води, што е најново во серијата тестови на оружје во последните денови.
Јапонската влада соопшти и дека Северна Кореја истрелала можна балистичка ракета.
Лансирањето, шестиот круг тестови на оружје за две недели, дојде неколку часа откако САД и Јужна Кореја ја завршија новата рунда поморски вежби во близина на источниот брег на Корејскиот полуостров.
Војската на Северна Кореја денеска предупреди дека американското прераспоредување на носач на авиони во близина на Корејскиот полуостров предизвикува „огромно негативно бранување“ во регионалната безбедност. паг/
