Реакција на изнесени ставови на Христијан Мицкоски

Христијан Мицкоски или не ги прочитал објевните пакет мерки или дефинитивно има проблем со разбирање на економијата. Мицкоски има проблем секогаш кога парите завршуваат назад кај граѓаните, за него тоа е несфталиво, затоа што со години е учен парите од граѓаните да завршуваат единствено во белиот дворец на ВМРО-ДПМНЕ. И денес, како и многу пати досега Мицкоски е против директна помош за граѓаните, помош за компаниите, а само до пред неколку денови истиот Мицкоски на цел глас бараше итна помош за граѓаните и економијата. Мицкоски очигледно посакува криза за да може партиски да профитира. Во време кога сите капацитети на државата се впрегнати во обезбедување мерки и решенија за брза трансформација на економијата, Мицкоски и ВМРО-ДПМНЕ остануваат посветени на гол популизам и политиканство на штета на интересите на граѓаните. Со третиот пакет мерки, вкупната поддршка од сите три пакети изнесува 550 милиони евра а опфатени се 730.000 граѓани. Тоа е незамисливо за Мицкоски и ВМРО-ДПМНЕ кои не знаат за ништо друго освен да грабаат од граѓаните. За таквото нивно однесување, казната ќе им стигне од граѓаните многу наскоро.

_______________________________________________________________________________________ МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.