Скопје, 27 март 2025 

Почитувани граѓани, почитувани медиуми,

Срамна, понижувачка и крајно неодговорна е одлуката на Владата за некакво бедно покачување на минималната плата од само 1.800 денари.

Што да прават работниците со 1.800 денари во услови кога истата оваа Влада дозволи  екстремно зголемување на цените на храната и на производите.

Владата на ДПМНЕ очигледно нема допир со реалноста и покажува тотална негрижа за најважното, стандардот на граѓаните.

Како пресметаа дека 1.800 денари им се доволни на работниците?

Граѓаните секојдневно  се борат да преживеат, со високи цени, високи сметки, а со мизерни плати.

Растот на трошоците за живот е сериозен притисок врз семејниот буџет и граѓаните едвај врзуваат крја со крај.

Потрошувачката кошница во февруари 2025 достигна 63.773 денари. За над 100 евра е зголемена во споредба со лани.

И со ова бедно зголемување, повторно две минимални плати не се доволни за да се покријат основните месечни трошоци на едно семејство.

Додека граѓаните бираат дали да купат храна или да платат сметки, ДПМНЕ во историски најголемиот буџет не предвиде пари за работниците.

Но затоа има пари за папаја, манго, лосос, за приватни авиони и непродуктивни трошења на владата и нејзините функционери.

За работниците остави трошки и ги остави во сиромаштија. Граѓаните да живета на воздух а владата на манго и папаја. Срамота.

Дополнително, за прв пат откако е воведена минималната плата, оваа власт ја донесе срамната одлука за нејзина корекција сама без консултација и без да ги слушне барањата на работниците.

Почитувани,

Оваа Влада се грижи само за себе и за богатите елити. Нејзината неспособност за само девет месеци предизвикаа економска катастрофа и сериозно влошување на условите за живот. И сега ги турка работниците кон подлабока сиромаштија.

СДСМ во изминатиот период докажа дека минималната може и мора да се зголемува и тоа го правевме со соодветни законски решенија.

СДСМ ја зголеми минималната плата од 8.000 денари во времето на ДПМНЕ на 22.567 денари и сега бараме зголемување на 500 евра затоа што тоа е минимумот којшто ќе им обезбеди на работниците покривање на трошоците за живот.

Бидејќи власта ги игнорира работниците ние ќе поднесеме закон за зголемување на минималната плата.

СДСМ секогаш била и ќе биде на страната на работниците, нема да отстапиме од барањата за достоинствена плата и живот на секој работник.

Одговор на новинарско прашање, Кристина Костова - потпретседателка на СДСМ

СДСМ ќе ги искористи сите механизми во Собранието, мора да има и политичка одговорност за трагедијата во Кочани

Синоќа се одржа седница на Централниот одбор на СДСМ, разговаравме за актуелните состојби во земјата, по оваа тешка трагедија којашто ни се сличи и ја погоди Македонија и во која згаснаа 59 млади животи.

Заклучок на Централниот одбор на СДСМ е дека досегашниот тек на истрагата покажува дека се води селективно, сензационалистички и практично е насочена кон минатото, кон поранешни функционери а не кон функционерите коишто се директно одговорни, затоа што тие ги вршеле функциите во моментот кога се случила трагедијата.

Беше истакнато дека таквата селективност во постапувањето е комплетно неприфатлива и дека тоа всушност не претствува правда.

Согласно тоа, СДСМ ќе бара и ќе инстистира да се спроведе независна, темелна истрага, којашто е неселективна. На каква било селективност којашто ја покажуваат истражните органи досега, вклучително и на оние кои се претставници на извршната власт, ќе се спротивставиме жестоко. Пред Законот мора сите да бидат еднакви.

Од особен интерес на сите граѓани е истрагите коишто се спроведуваат во врска со оваа најстрашна трагедија да покажат веродостојни резултат и да утврдат што точно се случувало и да лоцираат одговорност, онкако како што самата јавност и правните експерти кои ги слушаме укажуваат дека треба да се случува а не се случува.

Оттаму е предлогот и за формирање  Анкетна комисија, тоа ќе биде во соодветно време, имаме поставени и рокови кога, Надзорна, за да може да се утврдат фактите за трагедијата, да и бидат предочени на јавноста и конечно да има соочување со одговорноста на оние кошто е јасно дека се одговорни.

Линк до видео:  https://youtu.be/P91AcV0lo74

Прес-конференција на Кристина Костова, потпретседателка на СДСМ 

Центар за комуникации со јавноста

____________________________________________________________________________________ 

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки

Фото: СДСМ