Скопје, 1 февруари 2026

Повлекувањето на Сашко Кедев од здравствениот совет на Министерството за здравство е голем скандал, изјави на денешната прес конференција Симона Цветановски, членка на Извршниот одбор на СДСМ, што МИА ја пренесува интегрално.

Се разоткрива и целото сценарио против претседателот Филипче.

Ништо не е случајно.

Повлекувањето на Кедев е примено во Министерството за здравство на 23 јануари.

Како причини тој наведува незадоволство од „започнатите контролни процеси“. Медиумите пак пренесуваат дека меѓу забелешките е работата на комисијата која треба да ги продолжи проверките на случаите на непотребните операции на срце.

Зошто датумот на повлекувањето на Кедев, 23 јануари е важно?

Прво затоа што се случува само два дена откако Обвинителството отворило предмет, наводно „по допрен глас“ за клеветите на Жан Митрев против Филипче. Тоа е 21 јануари.

Министерот ја крие оставката на Кедев и за медиумите вели дека не е пристигната.

Најстрашниот скандали во македонското здравство беше објавен во ноември 2025 година токму од Кедев.

Два и пол месеци ништо не се случува. Одговорност нема за никого, нема кривични пријави.

Не се објавени инволвираните, лекарите, кои се приватните клиники каде се вршеле непотребните операции.

Како два месеци да се поминати во заташкување на скандалот. Ништо друго.

И сега, поминуваат два и пол месеци, излегува Жан Митрев на Алфа ТВ со клевети кон претседателот Филипче.

Проаѓаат неколку дена и Обвинителство отвора предмет наводно „по допрен глас“.

Само неколку неколку дена од овие клеветнички изјави и по два дена од одлуката на Обвинителството се повлекува Кедев на 23 јануари.

Случајно? Ништо не е случуајно.

Ова ли е „ чувството на премиерот Мицкоски кој во македонското Собрание држи говори каде дели задачи на обвинителството и судството?

Ова е огромен скандал.

Клучното прашање е дали Жан Митрев излезе со клевета против претседателот Филипче заради ова? За владата да го повлече Кедев и целиот случај за скандалот со операциите да се заташка?

Ова ли е цената што треба сите да ја платат за да се заштити Жан Митрев од одговорност?

Зошто др Жан толку долго чекаше? Зошто сам не отишол во Обивнителство?

Дали се чекаше ова? Да добие време да се извлече, да се сокријат трагите?

За ваков скандал никој нема право да молчи и да калкулира.

Нашата порака е дека ќе одговарате, сите до еден.

Фото: СДСМ