Бризбејн, 4 јануари 2025 (МИА) - Белоруската тенисерка Арина Сабаленка денес ја победи Русинката Мира Андреева во полуфиналето на турнирот во Бризбејн (Австралија) - 6:3, 6:2.

Мечот траеше 1 час и 29 минути. 

Сабаленка која е прв светски рекет имаше три асови, една двојна и три конвертирани брејк топки од пет шанси.

Андреева која е 16. на ВТА ранг-листата два пати сервираше ас, направи четири двојни грешки и не реализираше ниту една брејк-топка од осум можности. 

Во финалето на турнирот белоруската тенисерка ќе игра со Русинката Полина Кудерметова.

Наградниот фонд на турнирот изнесува 1,52 милиони долари. зс/

Фото: ЕПА