Раб: Апсењето на новинарите во Белорусија е обид за мешање во објективното известување
- Британскиот министер за надворешни работи Доминик Раб го осуди масовниот притвор на повеќе од 50 новинари во Белорусија, вклучувајќи и британски новинар на Би-Би-Си и други членови на локални
![Раб: Апсењето на новинарите во Белорусија е обид за мешање во објективното известување](https://mia.mk/images/20221104184538_big_730x400_14.webp )
Лондон, 29 август 2020 (МИА) - Британскиот министер за надворешни работи Доминик Раб го осуди масовниот притвор на повеќе од 50 новинари во Белорусија, вклучувајќи и британски новинар на Би-Би-Си и други членови на локалните и меѓународните медиуми.
„Ова е несомнен обид за мешање во објективното и искрено известување“, напиша Раб на Твитер.
Тој додаде дека властите во Белорусија мора да престанат да ги напаѓаат новинарите и порача дека треба да се брани слободата на медиумите.
Како што пренесуваат странските агенции, на новинарите, кои известувале од протестот во Минск, им се одземени телефоните и личните документи. паг/